回到二百幾年後自己嘅故鄉，音樂氣氛唔算濃。但係自己個樣竟然老是常出現！
街道名，大廈名，餐廳名，朱古力包裝，糖果...
有一種怪怪嘅感覺🤔
.
走入印有自己名嘅餐廳，行去印有自己全身公仔嘅櫈前，尷尬咁坐係自己嘅大脾上，奇異嘅感覺同坐魯芬bb大脾有過之而無不及😖
.
畢竟，只係一張櫈，坐住就睇唔到啦！
突然急急想去廁所，行到男廁又發現自己😅
有冇人可以解釋下點解我會係尿兜，點解要對住個1:1高嘅自己痾尿？格劍呀家陣？
.
去完廁所一出門口，就見到對面女廁門口，有個着住女人衫嘅自己係到😓
乜我有易服癖嫁咩😔
.
當我好失落咁行番自己位，坐番係自己嘅大脾上，攞出岩岩買嘅電話，笨拙咁打開wifi，再次發現成個Page都係自己名😒
.
諗住是但揀個啦，但係要password喎，唯有厚住面皮咁同行過嘅侍應問個pw係咩！佢竟然會答係mozart/mozart123/mozart0127
.
救命呀😫都死左二百幾年啦！做咩仲要搞到我成個公廁咁呢😭
.
我諗如果莫札特復活，返去Salzburg，應該會咁諗😂因為真係乜叉都係佢，睇到怕！洗腦咩🙈
Search